மனிதன் என்றுமே தன் வெற்றுடலை மட்டுமே சார்ந்தவன் அல்ல. அதன் இயங்கு சக்தியாக ஆன்மா சர்வமும் பாய்ந்து கொண்டிருத்தல் வேண்டும். அதன் ஆற்றல் நம் அறிவிற்கு அப்பாற்பட்டது.

உடலால் செல்ல இயலாத பிரபஞ்ச வெளியில் கூட ஆன்மாவால் பயணிக்க இயலும். இதனை ஆங்கிலத்தில் Astral Projection( or Astral Travel) என்று சொல்வார்கள்.

அதாவது உங்கள் உடலை ஒரு இடத்தில் கிடத்தி உயிர் மட்டும் ஒரு புதிய பிரதேசத்தை அடையும் செயல். ஒருவகையான டெலிபதி போல.

உதாரணமாக அவதார் படத்தில் நாயகன் ஒரு பேழையில் அடைக்கபட்டு அவரது ஆன்ம உடல் மட்டும் வனத்தில் சென்று நாயகியோடு வசிப்பது போன்று காட்சி அமைக்கபட்டிருப்பதை சிந்தித்து பாருங்கள்.

இதனை Out of Body Experience என வழங்கும் மேற்கத்திய உலகத்தினர் இப்படியான அனுபவத்தை பெற பல்வேறு முயற்சிகளை கையாளுகின்றனர்.

19 நூற்றாண்டிற்கு பின்னர் தான் இதைப் பற்றிய பேச்சு புழக்கம் மேற்கத்திய கலாச்சாரத்தில் தொடங்கிருக்கிறது.

பல புதினங்கள், நாவல்கள்,திரைபடங்கள் என விளக்க இயலாத விஞ்ஞான கொள்கைகளுக்குள் தற்போது இது இணைந்துவிட்டது.

அஸ்திவாரமாக 17 நூற்றாண்டில் இம்மானுவேல் சுவிடன்பார்க் என்ற ஐரோப்பியர் ஆன்ம பயணத்தை பற்றி டைரிக் குறிப்புகள் எழுதி வைத்தார்.

அதன் பின்னர் பல்வேறு இலக்கியவாதிகள் இதனை முயன்றதாகவும் அதை பற்றிய விளக்கங்களை குறிப்பிட்டனர். இவர்களில் முக்கியமானவர் ராபர்ட் மோர்னி.

1971-94 வரையான காலத்தில் உடலை விட்டு வெளியேறும் அனுபவத்தை பற்றிய இவர் இயற்றிய புத்தகங்கள்(Journeys to other realms) மிக புகழ்பெற்றன, பல்வேறு மொழிகளில் மொழிபெயர்க்கவும் பட்டன.

இவர் ஆன்ம பயணத்தை பற்றிய ஆராய்ச்சிக்காக ஒரு இயக்கத்தையும் தொடங்கி தற்போது சில தன்னார்வளர்களை வைத்து சோதனைகள் செய்து வருகிறார்.

ஆன்மாவின் மற்றொரு நிலைக்கான(altered stats of consciousness) இவரது தேடல்கள் பலரை இந்த கொள்கையை பற்றிய மேலும் அறிய தூண்டுகோலாக அமைந்திருக்கிறது.

உடலை விட்டு வெளியேறும் ஆன்மாவின் சக்தியானது தூண்டுதல் மற்றும் தூக்கத்தின் போது நடைபெற்று சொர்க்கத்தின் பல்வேறு அடுக்கு பகுதிக்குள் நுழைவதாக சொல்கிறார்கள்.

பொதுவாக இரண்டு வழிகளில் ஆன்ம வெளிக்கு(Astral Plane) நாம் சென்றடைய முடியும். ஒன்று உறக்கத்தின் வழியே மற்றொன்று யோக முறைகளில்

Continue reading ஆன்ம பயணம் – மேற்கத்திய கனவுலகம்

Read more

பூமி இதுவரை ஐந்து மிகப் பெரிய பேரழிவை சந்தித்திருக்கிறது. கடைசியாக 65 மில்லியன் ஆண்டுகளுக்கு முன்னர் ஏற்பட்ட பேரிடர் டைனோசர் இனத்தின் தடத்தை அழித்தது.

கடந்த தலைமுறையிலேயே இதை பற்றி தெரிவித்த அறிவியலாளர்கள் தற்போது ஆறாவது அழிவு (Sixth Extinction) நாம் நினைப்பதை விட வேகமாக நிகழந்து கொண்டிருப்பதாக எச்சரித்துள்ளனர்.

இயல்புக்கு மாறான விலங்கினங்களின் அதிகப்படியான அழிவு சரிவிகிதம் மற்றும் புவியியல் மாற்றங்கள் அதனை உறுதிபடுத்துவதாகவே உள்ளன.

ஏற்கனவே பல்வேறு விலங்கினங்கள் காக்கப்படவேண்டிய பட்டியலில் இருக்கும் நிலையில் அவற்றின் வன உயிரியல் நிர்மூலமாதல்(Biological annihilation) சதவீதம் 110 ஆக அதிகரித்துள்ளது.

1990 முதல் இதுவரை 400 மேற்பட்ட கடல்-நில வாழ்பவை முழுவதுமாக அழியும் நிலையை சந்தித்துவிட்டன.
பல்வேறு முதுகெலும்பு விலங்குகள் தங்கள் பிழைக்கும் ஆற்றலை 30-40% மேல் இழந்து வருகின்றன.

மனித குரங்குகள், புலி இனங்கள் தாங்கள் ஆளும் பகுதியில் உயிர்பிழைக்கும் திறன் 20% ஆக சரிந்துள்ளது. விலங்குகளின் அவற்றின் மூன்றில் ஒரு பங்கு குணாதிசயத்தை மெல்ல இழந்து வருகின்றன.

Continue reading பூமியின் ஆறாவது அழிவு நெருங்கிவிட்டது

Read more

தமிழ் திரையுலகம் அவ்வப்போது அடுத்த கட்டத்திற்கு எடுத்துச் செல்லும் படங்களை அளித்துக் கொண்டுதான் இருக்கிறது.

இருப்பினும் பாலியல் தொடர்பாக குறிப்பிடதக்க வகையில் பதியபட்ட படம் அதிகமில்லை. அப்படியே வெளியானலும் அவை கேளிக்கை அல்லது ஆக்‌ஷன் படமாகவே காட்சிபடுத்தப் படுகின்றன.

சமீபத்தில் பாகுபலி 2 படம் ஆயிரம் கோடிகளை அள்ளிக் கொண்டிருக்கும் அதே நேரம் “லென்ஸ்” திரைப்படம் நம் கண்களுக்கு தெரியாமலே திரையரங்குகளில் இருந்து ஓடி மறைந்துக் கொண்டிருக்கிறது.

மலையாளம் மற்றும் தமிழில் உருவாக்கப்பட்டு பல திரைப்பட விழாக்களில் விருது பெற்ற இப்படம், மக்கள் மறைமுகமாக பார்க்கச் செல்லும் படமாக மாறி வருகிறது.

LENS is A must watch adult film என பலதரப்பில் இருந்து வரவேற்பு வருகிறது. தி இந்து விமர்சகர் A porn with silver spoon என கொண்டாடுகிறார்.

வெற்றிமாறன் வெளியிட்டு பிரபல படுத்தினாலும் திரை அரங்குகளில் குறைவான காட்சி இடப்பட்டுள்ளதால் எல்லோருக்கும் சென்று சேரவில்லை என்பதே உண்மை.

மற்றொன்று ‘A’ கிரேட் அளித்திருப்பது. அதன் காரணம் 18 வயதுக்கு மேற்பட்டவர்களுக்கான சிறந்த கதையாக இது இருப்பது தான்.

இப்படத்தின் இயக்குனர் ஜெயபிரகாஷ் பேட்டி ஒன்றில் சொன்னதை போல A என்றால் அடல்ட் என்பதிற்கு பதில் அசிங்கம் என நினைக்கும் எண்ணத்தை மாற்ற வேண்டும்.

இணைய அத்துமீறல் வழியாக பாதிக்கப்பட்டு தன் வாழ்வை தொலைத்த ஒருவன் அதே இணையத்தின் மூலம் எப்படி பழி வாங்குகிறான் என்பதே கதை.

அந்தரங்க வீடியோக்கள் சமூக வலைதளங்களில் கோலோச்சுவதை எடுத்துக்காட்டி கடைசி வரை இமை மூடவிடாமல் விறுவிறுப்பாக திகிலடைய செய்கிறது திரைக்கதை.

இந்த படம் தொடங்கிய சில நிமிடங்களிலே நம்மை குற்றவாளி கூண்டில் நிக்க வைத்து விட்டுதான் மற்ற காட்சிகள் நகர்கின்றன. கதிரின் ஒளிப்பதிவு நம்மை அந்த அறைக்குள் ஒளிந்து கொள்ள வைக்கிறது. Continue reading லென்ஸ் – திரைப்பார்வை

Read more

மணிரத்னம்-ரஹ்மான் கூட்டணியில் மீண்டும் ஒரு மாய வலை. இந்த இசை புயலில் சிக்கிக்கொண்டு மீள முடியாமல் தவிப்பதும் சுகமே.

காற்று வெளியிடை படத்தின் நல்லை அல்லை பாடல். அப்படி என்ன சிறப்பு இருக்கிறது என மீண்டும் மீண்டும் ஒலிக்கச் செய்து அடிமை கொள்கிறது.

ரஹ்மான் பாடல் தன்மையே இதுதானே. இளையராஜா பாடல்கள் ஆன்மாவோடு தொடர்பு கொண்டவை. ஆனால் ரஹ்மான் பாடல்கள் இசை கடவுளுக்கு சமர்பிக்கப்பட வேண்டியவை.

ஒவ்வொரு முறை கேட்கும் போதும் புதிதாய் ஒரு நுண்ணிசையை உணர முடியும். அத்துணை நுணுக்கங்கள் அதனுள் புதைந்திருக்கும்.

அதுவும் தமிழார்வம் கொண்ட மும்மூர்த்திகள் இணையும் போது அதன் தரம் விலைமதிபற்றதாகிறது.

ரஹ்மானின் இசை, வைரமுத்துவின் வரிகள், மணிரத்னத்தின் காட்சியமைப்பு.

இவற்றில் எது நம் மனதை கொள்ளை கொண்டது என பிரித்தரிதல் அரிது. சரி நல்லை அல்லை பாடலுக்கு வருவோம்.

இந்த பாடல் வரியின் அர்த்தம் மிக எளிது. நல்லை என்றால் நன்று. அல்லை என்றால் இல்லை என பொருள்படும்.

இச்சொல் குறுந்தொகையில் வரும் சொல்லேடு. தலைவியானவள் வெயிலில் வாடுவது நல்லை அல்லை என அதில் வரிகள் வரும்.

சங்க தமிழ் சொற்களை இயல்பாக பயன்படுத்த வைத்த பெருமை வைரமுத்துவையே சேரும். இவர்கள் இணைப்பில் உருவான நறுமுகை பாடல் ஒரு சிறந்த குறுந்தொகை உதாரணம்.

Continue reading ​நல்லை அல்லை – காற்று வெளியிடை

Read more

கொரிய நாட்டின் கிம் மக்கள் தங்கள் வம்சத்தின் தாயாக கருதும் ஒரு பெண்ணரசியை வணங்க இந்தியா நோக்கிய ஒரு யாத்திரையை வருடா வருடம் மேற்கொள்கின்றனர்.

இதற்கு காரணமாக இருப்பது கொரியாவின் பண்டைய கயா பேரரசின் முதல் ராணி இந்தியாவில் இருந்தே அங்கு குடியேறினார் என அவர்களின் வரலாற்று குறிப்புகள் கூறுவதே.

ஹியோ ஹியாங் ஓக்( Heo Hwang Ok) என்ற பெயர் கொண்ட அவர்தான் கொரியா நாட்டு வரலாற்றில் முதல் அரசியும் ஆவார். அவருக்கு இந்திய – கொரிய தூதரங்களால் அவரின் தாய் தேசமான அயோத்தில் மணி மண்டபம் கட்டப்பட்டுள்ளது.

ஆனால் அயோத்திக்கும் அவருக்கும் தொடர்பில்லை, அவள் ஒரு தமிழ் தேச இளவரசி என சமீபத்தில் வரலாற்றாளர்கள் சாட்சியளிக்கின்றனர்.அப்படியானல் அயோத்தியில் ஏன் மணி மண்டபம் கட்டப்பட்டுள்ளது என தெரிவு கொள்ள வேண்டியதை பற்றியதே இந்த பதிவு.

இல்யோன் என்ற புத்த துறவி 13 ஆம் நூற்றாண்டில் பண்டைய கால கொரிய தேசத்தின் வரலாற்றையும் புனை சரித்திரங்களையும் தொகுத்து சம்குக் யுசா என்ற மூவேந்தர் வரலாற்றை எழுதினார்.main-qimg-9386ee70dff77d871e35153000af52b8-c

அவர் குறிப்பிட்டுள்ள பண்டைய நாயகர்களின் சாகச இதிகாச புராண கதைகளில் தான் இந்த அரசியை பற்றிய பல்வேறு குறிப்புகள் உள்ளன. Continue reading செம்பவளராணி – முதல் கொரிய அரசி

Read more

நாகமாணிக்கம்

நாகமாணிக்கம் உண்மையா என்கிற விவாதங்கள் ஏதோ ஒரு மூலையில் இந்த நொடியில் கூட பேசப் பட்டுக்கொண்டிருக்கும். அந்த அளவிற்கு இந்த அதிசய கல்லை பற்றிய செய்திகள் இந்திய தெருக்களில் பரவிக் கிடக்கின்றன.

எண்ணற்ற புராணங்களிலும் இதிகாசங்களிலும் கூட இதை பற்றிய குறிப்புகள் உள்ளன. மர்மங்கள் சுவாரசியமானவை, நம்மை தேடலுக்கு உட்படுத்துபவை. அந்த உந்துதலே நாக மாணிக்கத்தை இன்றும் உயிர்ப்புடன் வைத்திருக்கிறது.

நாகமாணிக்கத்தை சினிமா வழியாகவோ அல்லது நமக்கு தெரிந்தவர் அவர் கேள்வி பட்டதாய் சொன்ன கதையினாலோ நாம் அறிந்திருப்போம்.

இந்த கதைகளின் பொது அம்சமான வரும் நாகம் 100 வருடங்கள் தங்கள் விஷத்தை உபயோக்கிக்காது, ஏதும் யாரையும் தீண்டாமல் அது காத்து வரும் அதன் விஷம் காலப்போக்கில் நாகரத்தினமாக மாறும். சுனை அருகே வெறும் பச்சை தவளைகளை மட்டுமே உண்டு இது உயிர் வாழும்.

ஒரு லட்சம் பாம்புகளில் ஒன்று மட்டுமே இப்படி நாக மாணிக்கத்தை உருவாக்கும் வல்லமை கொண்டதாக இருக்கும். இப்படிப்பட்ட நாகங்கள் சாதுக்கள் போல முதுமை என்பதே கிடையாது, சுமார் 110-150 ஆண்டுகள் வரை வாழக்கூடியன.

நாகமாணிக்கம்.jpg

கண்கூசும் அளவிற்கு பகலில் கூட மிக பிரகாசமாக மின்னும் அந்த ரத்தினத்தை அமாவாசை இரவில் கக்கி எடுத்து அதன் வெளிச்சத்தில் வேட்டையாடும். இது போன்ற சமயத்தில் தான் நம் கதைகளில் வரும் நபர் மாட்டின் சாணத்தையோ அல்லது பொடியையோ அந்த நாகமணியின் மீது வீசுவார்.

நாகம் சற்று குழம்பி அவ்விடத்தை விட்டு சென்றபின் மரத்தின் மேல் மறைவாக இருந்த நாயகன் நாகமணியை கைப்பற்றிக் கொள்வான்.

வராகமிகிரரின் பிருகத்சம்கித புராணத்தில் நாகரத்தினத்தை அணியும் மன்னனுக்கு விஷத்தினாலோ நோய்களினாலோ ஆபத்து வராது. அவனது நாட்டில் இந்திரன் மழை பொழிந்து வளம் குவிப்பான். இந்த நாகரத்தினத்தின் மகத்தான சக்தியால் எதிரிகளை நிர்மூலம் செய்வான் என சொல்லப்பட்டுள்ளது. Continue reading நாக மாணிக்கம் – பிரபஞ்ச இருளில்

Read more

உங்களிடம் ஒருவர் வந்து நான் தாஜ்மஹாலை விற்கிறேன் வாங்கிக் கொள்கிறீர்களா என்றால் என்ன சொல்வீர்கள், சொன்னவரை ஏற்ற இறக்கமாக பார்ப்பீர்கள். சட்டென சிரிப்போ, சுள்ளென வெறுப்போ, அலட்சிய பார்வை அனிச்சையாக வந்து சேரும்.

ஆனால் ஒரு முறை அல்ல மூன்று முறை ஒருவர் தாஜ்மஹாலை விற்றிருக்கிறார் என்றால் நம்புவீர்களா?

பீகார் மாநிலத்தின் பங்காரா என்ற கிராமத்தில் பிறந்த நட்வர்லால் மோசடி தொழிலுக்கு வரும் முன்பு வழக்கறிஞராக இருந்துள்ளார். மாறு வேடத்தில் கில்லாடியான இவர் நூற்றுக்கும் மேற்பட்டோரை திறமையாக ஏமாற்றி கோடிக்கணக்கான பணத்தை கொள்ளையடித்து  50 க்கும் மேற்பட்ட புனைப் பெயர்களில் குற்றங்கள் புரிந்துள்ளார்.

பல வெளிநாட்டவர்கள், பிரபலங்கள் போல ஒரு முறை பார்த்தாலே கையெழுத்திடும் திறம் கொண்டவர். இந்தியாவின் மிகச்சிறந்த ஏமாற்றுக்காரன் அல்லது மோசடிக்காரனான மிதிலேஷ் குமார் ஸ்ரீவத்சவாவை உலகம் நட்வர்லால் என்றே அறிகிறது.

இந்தியாவின் புராதணங்களான தாஜ் மகாலை மூன்று முறையும், ரெட் போர்ட்டை இரண்டு முறையும் , இராஷ்டிரபதி பவன் மற்றும் இந்திய பார்லிமெண்ட் டினை 545 உறுப்பினர்களோடு சேர்த்து முறையே ஒரு முறையும் விற்றுள்ளார்.

Continue reading நட்வர்லால்-மரியாதைக்குரிய மோசடி மன்னன்

Read more

மதுரையில் இருந்து 90 கி.மீ தொலைவில் ராமநாதாபுரம் மாவட்டத்தில் உள்ள கமுதி என்ற இடத்தில் 4550 கோடி செலவில் மிகப்பெரிய அளவிலான சூரிய மின்சக்தி ஆலை உருவாக்கப்பட்டுள்ளது.

yourstory-india-largest-solar-park

குறிபிட்ட ஒரே இடத்தில் நிறுவப்பட்டுள்ள உலகின் மிகப்பெரிய சூரிய ஆற்றல் உற்பத்தி திறன் கொண்ட இந்த நிலையம், 648 மெகா வாட் அளவிற்கு மின்சாரத்தை உருவாக்க வல்லது,இது 1,50,000 வீடுகளுக்கு தேவையான மின்சாரத்தை தரக்கூடும்.

இது உலகின் விலையுயர்ந்த ‘ஒற்றை இடத்தில் உருவான சோலார் உற்பத்தி திட்டமாகவும் ‘இது கருதப்படுகிறது.

கமுதி சோலார் திட்டம் 3.80 லட்சம் அடித்தளங்களை, 25 லட்சம் சூரிய தொகுதிகள், 27,000 டன் அளவுள்ள அமைப்பு , 576 இன்வெர்ட்டர்கள், 154 மின்மாற்றிகள் மற்றும் 6,000 கி.மீ. கேபிள்கள் கொண்டு தயாரிக்கப்பட்டுள்ளது. கிட்டதட்ட 60 தாஜ்மஹால்கள் அளவிற்கு பெரிது. Continue reading தமிழ்நாட்டில் உலகின் மிகப்பெரிய சூரிய மின்சக்தி ஆலை

Read more

ரோபோக்கள் உலகின் வல்லமை வாய்ந்த ஆதிக்க சக்தியாக மாறிவருகின்ற யுகம் நம் கண்ணேதிரே நடந்துக் கொண்டிருக்கிறது.

இது டெர்மினேட்டர் படத்தில் வருவது போலவோ, எந்திரன் சிட்டி போன்றோ அழிக்கும் ஆற்றலாக இல்லாமல் ஒரு ஆக்க புரட்சி போல நடைபெற்றுக் கொண்டிருக்கிறது.

robotic-process-automation

தற்போதைய கணக்கெடுப்பின் படி உலக தரம் வாய்ந்த பல தொழில் நிறுவனங்கள் மனித ஊழியர்களுக்கு மாற்றாக தொழிற்நுட்ப திறன் கொண்ட தானியங்கி இயந்திரங்களை(Robots) பயன்படுத்த தொடங்கிவிட்டன என தெரிவிக்கிறது.

அமெரிக்கா, ஜப்பான் போன்ற நாடுகளில் உள்ள தொழிற்சாலைகள் ஆபத்தான மற்றும் பாதுகாப்பு தொடர்பான பணிகளுக்கென தனித்தன்மை வாய்ந்த எந்திரங்களை பணிக்கு அமர்த்தியுள்ளன.

எஃகு, கார் போன்ற பல்வேறு உற்பத்தி ஆலைகளை எந்திரங்களை வைத்தே முழுவதுமாக கையாளுக்கின்றனர். இதனால் பணி இழக்கும் பணியாளர்களின் எண்ணிக்கை மில்லியன் கணக்கில் அதிகரித்துக் கொண்டிருக்கிறது.

robotic-automation

இந்த விஞ்ஞானம் பத்திரிக்கை துறையையும் தற்போது ஆக்கிரமித்து வருகிறது என்பது அதிர வைக்கும் புதினமே.

Continue reading ஒரு ரோபோ எழுதப்போகும் நாவல்

Read more

கர்நாடகா மாநிலத்தின் சிமோகா நகரத்தின் அருகில் உள்ள கிராம் மக்கள் பெரும்பாலும் அனைவருமே சமஸ்கிருத மொழியை பேசுகிறார்கள். இந்தியாவில் இன்னமும் சமஸ்கிருத மொழி வழக்கில் உள்ள அரிய இடங்களில் மத்தூர் கிராமமும் ஒன்று.

சமஸ்கிருதம் உலகின் பழமையான மொழிகளின் ஒன்று. லத்தீன், கிரீக் மொழிகளோடு ஒப்பிடதகுந்த இந்திய மொழி. இந்தியாவின் புராண இதிகாசங்கள், வேதங்கள் எல்லாம் இம்மொழியில் உருவாக்கப்பட்டது தான். ஆனால் நவீன இந்தியாவில் இந்தி போன்ற வழக்கு மொழிகளால் சமஸ்கிருதம் வழக்கற்று போனது. நடைமுறையில் பயன்படுத்தும் பழமையான மொழிகளில் தமிழ் மட்டுமே உயிர்த்துள்ளது.

இந்திய- ஆரிய நாகரீகத்தின் தாக்கமே சமஸ்கிருதத்தின் உருவாக்கம், மேலும் பல இந்திய மொழிகளுக்கு இதுவே அடிப்படை, தென்னிந்திய மொழிகளுக்கு தமிழ் போல.

sanskrit-class

புராதாண மொழிகளில் ஒன்றான சமஸ்கிருதத்தை இவர்கள் தினசரி பேச்சு வழக்கில் இன்றும் உயிர்ப்போடு வைத்திருப்பாதல் இந்த கிராமம் மொழி ஆர்வலர்களால் பெரிதும் கவனம் பெற்றிருக்கிறது. டெல்லியில் உள்ள சமஸ்கிருத மொழி பாதுகாப்பு மையம் தனது ஒரு கிளையை இங்கேயும் தொடங்கியுள்ளது.

தற்போது உலகில் 1% அள்விலேயே சமஸ்கிருதம் பேசப்படுகிறது, அதுவும் பிராமண பூசாரிகள் பயன்படுத்துவதே. ஜெர்மன்,பிரென்சு போல பள்ளி கல்லுரிகளில் கடினப்பட்டு பயலும் இந்த மொழியை இங்குள்ள பாமர மக்களும் சகஜமாக பேசுகிறார்கள், குறைந்த பட்சம் புரிந்து கொள்கிறார்கள். Continue reading சமஸ்கிருதம் பேசும் ஒரே இந்திய கிராமம்

Read more

செங்காந்தள் மலரை பற்றி ஏற்கனவே பலவேறு பட்ட பதிவுகள் ஒன்றை போலவே வார்த்தை மாறமல் எழுதப்பட்டுள்ளன. அதில் சில குறிப்பிட்டதக்க தகவலை இங்கு பகிர்ந்துள்ளேன்.

நம் இலக்கியங்களில் காந்தள் என்று சிறப்பித்துக் கூறப்படும் இந்த மலர் கார்த்திகை மாதத்தில் பூப்பதால் கார்த்திகைப்பூ என்றொரு பெயரும் கொண்டுள்ளது. தமிழகத்தின் மாநில மலராகவும் ஜிம்பாவே நாட்டின் தேசிய மலராகவும் இதுவே உள்ளது.

நீரயற் கலித்த நெறிமுகைக் காந்தள் வார்குலை அவிழ்ந்த வள்இதழ் கிரை தொறும் விடுகொடிப் பிறந்த மென்தகைத் தோன்றி பவழத் தன்ன செம்பூத் தாஅய்
– நப்பண்ணனார்

விடுதலைப் புலிகளின் தேசியக் கொடியின் வண்ணங்களை கொண்டிருப்பதாலும், விடுதலைப் புலிகளின் தலைவர் பிறந்த மாதத்தில் பூத்து குலுங்குவதாலும், மாவீரர் நாளில் திசையெங்கும் பூத்து காணப்படுவதாலும் இதனை தமிழீழ புலிகளும் தமது தேசிய மலராக பிரகடனப்படுத்தினர்.

தமிழகத்தின் மாநில மலராக அறியப்படுவதற்கு காரணம் Continue reading செங்காந்தள் மலர் – கார்த்திகை செல்வம்

Read more

இந்தியாவின் புராதாண தலைசிறந்த இதிகாசமான மகாபாரத கதையை எதோ ஒரு விதத்தில் நாம் எல்லோரும் அறிந்திருப்போம். அது நாம் வாழ்வியலோடு கலந்தது, அர்ஜுனனும் கர்ணனும் இப்போதும் நமது பேச்சு வழக்கில் எடுத்துகாட்டு உவமைகளாக உள்ளனர்.

மிக சுருக்கமாக சொல்லப்போனால் பாண்டவர்கள் கௌரவர்களை பாரதப்போரில் கிருஷ்ணரின் உதவியோடு வென்று தர்மத்தை நிலை நாட்டுவதே இதன் கதை.

ஆனால் மகாபாரதம் உண்மையில் தர்மத்தை போதிக்கிறதா?

என்னிடம் கேட்டால் நிச்சயம் இல்லை என்றே பதிலளிப்பேன். மகாபாரதம் சர்வ காலத்திற்கும் ஏற்ற ஒரு வாழ்வியல் சூழலை மையமாக கொண்டது.

மனிதனின் சினம், இச்சை, பேராசை, காதல், பற்று, குரோதம், நட்பு, அகந்தை, பாகுபாடு, அன்பு போன்றவை அவனின் கால சூழலுக்கேற்ப எவ்வாறு பரிணமிக்கின்றன, அதனால் அவன் தேசங்களுடனும் தன் உறவுகளுடனும் எவ்வித சந்தர்பங்களை எதிர் கொள்கிறான் என்பதை மகாபாரதத்தை விட வேறு எந்த நூலாலும் உலகத்தில் விளக்க இயலாது.

8428516729_cd92044a60_o-Copy-1050x701-1050x701.jpg

மகாபாரத கதாபாத்திரங்கள் தனக்குள்ளே ஒரு யுத்ததை நித்தமும் நிகழ்த்தி பார்த்துக் கொண்டிருப்பதை நாம் காண முடியும். நீங்கள் யார் பக்கம் சாய்ந்தாலும் அவரிடமும் கண்டிப்பாக ஒரு குறை இருக்கும், ஏனெனில் அதுவே மனித இயல்பு.

பொதுவாக உங்களுக்கு பிடித்த கதாபாத்திரம் யார் என்று கேட்டால், கர்ணனை குறிப்பிடுவோம். காரணம் இக்கதையில் அதிகம் அவலப்படுவது கர்ணன் தான்.

அங்கீகாரம், அடையாளம் அற்று தாழ்ந்த குலத்தவனாக அவமானப்படுவது, வில்வித்தை திறனை நிரூபிக்க அவதனிப்பது, நட்புக்காக தாய், சகாதரர்களையே எதிர்க்க துணிவது என சிவாஜியை கண்டால் நமக்கே கண் கலங்கும்.

ஆனால் அந்த நல்லுள்ள கர்ணன் தான், பாஞ்சாலியை வேசி என்று அவையில் தூற்றுவான். பீஷ்மரே அமைதியுற்ற போதும் கௌர்வர்களில் விகர்ணன் மட்டுமே பாஞ்சாலிக்கு இழைப்பது அநீதி என்று முழக்கமிடுவான், அவன் வாயை அடைத்து அமர வைப்பது கர்ணனே. பாஞ்சாலியை அவதூறு பேசியதாலே அர்ஜுனன் அவனை கொல்வேன் என்று சபதமேற்பான்.

அவன் சிறந்த வில்லாளன் தான். ஆனால் Continue reading மகாபாரதம் உண்மையில் தர்மத்தை போதிக்கிறதா?

Read more

Thugs என்ற ஆங்கில சொல்லுக்கு கொள்ளைக்காரர்கள், வழிப்பறி கும்பல் என்று பொருள். இந்த சொல் ஏமாற்றுக்காரன் என பொருள்படும் சமஸ்கிருத/இந்தி சொல்லிலிருந்து ஆங்கிலத்திற்கு சென்றது.

கொள்ளைக்காரர்கள் என அர்த்தம் தரும் ஒரு ஆங்கில சொல் இந்தியாவிலிருந்து செல்ல காரணம் என்ன?

உலகின் எந்தவொரு கொள்ளைக்கார இயக்கமும் தக்கீ(Thuggee) அளவிற்கு மக்களை கொலை செய்ததாக வரலாறில்லை. 1830 ஆம் ஆண்டுக்கணக்கில் இந்தியாவின் இந்த ரகசிய அமைப்பு குறைந்த பட்சம் 50,000- 1,00,000 வணிகர் மற்றும் பயணிகளை கொலை செய்ததாக ஆங்கில அரசு சொல்கிறது.

கின்னஸ் சாதனை(!) புத்தகத்தின் படி 600 வருடங்களில் 20 லட்சம் கொலைக்கு காரணமாக இருந்திருக்கிறது தக்கீ இயக்கம்.

thaggi2.jpg

இவர்கள் கொள்ளை அடிக்கும் முறை புராதாணமானது, அதாவது சாலைகளில் செல்லும் பயணிகளோடு வணிகர்கள் அல்லது யாத்ரீகர்கள் போல இணைந்துக் கொண்டு தக்க சமயத்தில் அவர்களை தாக்கி அவர்களிடம் இருக்கும் பண, அணிகலங்களை கொள்ளையடித்து பின்னர் கழுத்தை நெரித்து Continue reading தக்கீ – காளியின் வாரிசுகள்

Read more

இமயமலை வெண் அழகாக ரசிக்கப்படுகிறது. இயற்கையின் பிரமித்த படைப்பாற்றலின் அடையாளமாகவுகம் அதிசயிக்கப்படுகிறது. ஆனால் அங்கு மனிதர்கள் வாழ்கிறார்கள், சர்ச்சைகள் உலவுகின்றன. அதில் பல நாம் முற்றிலும் அறியாதவை.

ஆப்பிளும் தேயிலையும் வளரும் அதே இமயத்தில் கஞ்சா போன்ற கன்னாபீஸ்(Cannabis) செடிகளும் வளர்கின்றன. இந்த போதை பயிர்கள் இயற்கை வாழ்விடம் கொண்டவையாயினும் அவை அரசால் தடை செய்யப்பட்டவை.

அதே சமயத்தில் இமாலயத்தின் சிறிய கிராமங்களில் வாழும் பழங்குடி மக்களின் கலாச்சாரத்தோடு இது கலந்திருக்கிறது. கஞ்சா செடிகளின் மூலம் தங்களது அஸ்திவார வாழ்வாதரத்தை இவர்கள் அமைத்துக் கொண்டுள்ளனர்.

02cannabis_farmers-ngsversion-1454355000674-adapt-536-1

Continue reading கஞ்சா வளர்க்கும் இமயமலை கிராமங்கள்

Read more

நவராத்திரி பண்டிகை உலகின் வண்ணமிகு பண்டிகைகளில் குறிப்பிடத்தக்க விழாவாகும். இது விஜயதசமி, தசரா, ராம்லீலா, துர்கா மா என இன்னும் பல பெயர்களில் வழங்கப்படுகிறது.

நவராத்திரி பெண் தெய்வங்களை போற்றும் விழா. இந்து சமயத்தின் இறைவிகளின் முக்கியத்துவத்தை போற்றும் தினம். ஒரு வகையில் இது இந்து மத மகளிர் தினத்தை போன்றுதான்.

இப்போதும் இது கொண்டாடப்படுவது பண்டைய இந்திய வரலாற்றிலும், ஆட்சியமைப்பிலும் பெண்கள் எவ்வளவு முக்கியத்துவம் பெற்றிருந்தனர் என்பதை எடுத்துக் காட்டுகிறது.

maxresdefault.jpg

இந்தியாவின் பன்முக கலாச்சரத்திற்கு ஏற்ப வெவ்வேறான இடங்களில் வண்ணங்களால் தீட்டப்பட்ட கோலாகல பண்டிகை நிகழ்வுகள் மக்களை இணைக்கின்றன.

பக்தர்களுக்கும் சுற்றுலா பயணிகளுக்கும் விழி விருந்தாக அமைகிறது இந்த நவராத்திரி.

தசரா அல்லது நவராத்திரி பண்டிக்கைக்கு பல்வேறு விதமான புனைவு மற்றும் இதிகாச கதைகள் உள்ளன. மகா பாரதமும் ராமாயணமும் இரு வேறு காரணங்களுக்கு இவ்விழாவில் நினைவு படுத்தப்படுகிறது. Continue reading தசரா – இறைவியின் கோலாகலம்

Read more
Translate »