Featured

ஒரு தேசத்தின் அடையாளம் அதன் புதுபிக்கப்பட்ட வரலாற்று பதிப்புகளிலும் புதைந்தெழும் தொல்லியல் சான்றுகளிலுமே மேன்மையடைகிறது.

ஆதிச்சநல்லூர், அரிக்கமேடு, கீழடி என தமிழகத்தின் பல்வேறு பகுதிகளில் நிகழ்த்தபட்ட அகழ்வாய்வுகள் நம் பராம்பரியத்தின் வேரை உலகிற்கு பறைசாற்றியுள்ளது.

தற்போது அதனை மிஞ்சும் தொன்மை ஆதாரத்தின் எச்சமாய் திகழ்ந்துக் கொண்டிருக்கிறது அழகன்குளம்.

சங்க காலத்தில் பாண்டியர்களின் முக்கிய வணிக தலமாக இருந்துவந்துள்ள அழகன்குளம் ராமநாதபுரத்திற்கு அருகே வங்க கடலில் வைகை நதி கலக்கும் பகுதியில் அமைந்துள்ள கடற்கரை கிராமம்.

1986-87 ல் தொடங்கிய அகழ்வாய்வு பணி ஏழு கட்டமாக நடைபெற்று இதுவரை 12,000 மேற்பட்ட பழங்கால தொல்பொருட்கள் தமிழ்நாடு தொல்லியல் துறையினரால் கண்டுபிடிக்கப் பட்டுள்ளன.

மிக சிறிய பகுதியில் நடத்தப்பட்ட இந்த அகழ்வாய்வு, தமிழக அரசின் ஒப்புதலின் பெயரில் இந்த வருடம் மே மாதம் முதல் தீவிரமாக நடைபெற்று 59 இடங்களில் அகழ்வாய்வு மேற்கொள்ள குழிகள் தோண்டப்பட்டுள்ளன.

பண்டைய தமிழ் சமூகத்தின் பழந்தன்மையை எடுத்து கூறும் வகையில் அம்மக்கள் பயன்படுத்திய ஆபரணங்களான சங்கு வளையல்கள், அரிய கல்மணிகள், சுடுமண் மணிகள், கண்ணாடி, இரும்பு மற்றும் யானைத் தந்தத்தாலான பொருள்கள் வெளிக்கொணர பட்டுள்ளன.

மிகப்பெரிய குடுவைகள், விதை சேமிப்பு கலன்கள் மேலும் ஹரப்பா நாகரீகத்தில் வழக்கத்தில் இருந்த குறியீடு என்று கருதப்படும் உருவம் பொறித்த தொல்பொருள் ஆதாரம் ஒன்றும் கிடைத்துள்ளது குறிப்பிடத்தக்கது.

Continue reading அழகன்குளம் அகழாய்வு – பாண்டியரின் புதையல்

Read more

தமிழ் திரையுலகம் அவ்வப்போது அடுத்த கட்டத்திற்கு எடுத்துச் செல்லும் படங்களை அளித்துக் கொண்டுதான் இருக்கிறது.

இருப்பினும் பாலியல் தொடர்பாக குறிப்பிடதக்க வகையில் பதியபட்ட படம் அதிகமில்லை. அப்படியே வெளியானலும் அவை கேளிக்கை அல்லது ஆக்‌ஷன் படமாகவே காட்சிபடுத்தப் படுகின்றன.

சமீபத்தில் பாகுபலி 2 படம் ஆயிரம் கோடிகளை அள்ளிக் கொண்டிருக்கும் அதே நேரம் “லென்ஸ்” திரைப்படம் நம் கண்களுக்கு தெரியாமலே திரையரங்குகளில் இருந்து ஓடி மறைந்துக் கொண்டிருக்கிறது.

மலையாளம் மற்றும் தமிழில் உருவாக்கப்பட்டு பல திரைப்பட விழாக்களில் விருது பெற்ற இப்படம், மக்கள் மறைமுகமாக பார்க்கச் செல்லும் படமாக மாறி வருகிறது.

LENS is A must watch adult film என பலதரப்பில் இருந்து வரவேற்பு வருகிறது. தி இந்து விமர்சகர் A porn with silver spoon என கொண்டாடுகிறார்.

வெற்றிமாறன் வெளியிட்டு பிரபல படுத்தினாலும் திரை அரங்குகளில் குறைவான காட்சி இடப்பட்டுள்ளதால் எல்லோருக்கும் சென்று சேரவில்லை என்பதே உண்மை.

மற்றொன்று ‘A’ கிரேட் அளித்திருப்பது. அதன் காரணம் 18 வயதுக்கு மேற்பட்டவர்களுக்கான சிறந்த கதையாக இது இருப்பது தான்.

இப்படத்தின் இயக்குனர் ஜெயபிரகாஷ் பேட்டி ஒன்றில் சொன்னதை போல A என்றால் அடல்ட் என்பதிற்கு பதில் அசிங்கம் என நினைக்கும் எண்ணத்தை மாற்ற வேண்டும்.

இணைய அத்துமீறல் வழியாக பாதிக்கப்பட்டு தன் வாழ்வை தொலைத்த ஒருவன் அதே இணையத்தின் மூலம் எப்படி பழி வாங்குகிறான் என்பதே கதை.

அந்தரங்க வீடியோக்கள் சமூக வலைதளங்களில் கோலோச்சுவதை எடுத்துக்காட்டி கடைசி வரை இமை மூடவிடாமல் விறுவிறுப்பாக திகிலடைய செய்கிறது திரைக்கதை.

இந்த படம் தொடங்கிய சில நிமிடங்களிலே நம்மை குற்றவாளி கூண்டில் நிக்க வைத்து விட்டுதான் மற்ற காட்சிகள் நகர்கின்றன. கதிரின் ஒளிப்பதிவு நம்மை அந்த அறைக்குள் ஒளிந்து கொள்ள வைக்கிறது. Continue reading லென்ஸ் – திரைப்பார்வை

Read more

தாய்ப்பாலுக்கு அடுத்த நிலையில் புனிதமாக கருதப்படுவது பசும்பால். இந்து சமயத்தின் பாரம்பரியம் தொட்டே பால் ஒரு முக்கிய மங்கலகர பொருளாக அனுசரிக்கப்பட்டு வருகிறது.

புதுமனை புகும் போது பால் காய்ச்சுவது, பால் ஊற்றி பிராத்தனை செய்வது என மரணத்தின் விளிம்பில் கூட பால் பயன்படுத்துவது நவீனத்தின் எல்லைக்கு சென்றாலும் நம் மரபில் இன்னும் தொடரும் வழக்கம்.

பால் தூய்மையின் அடையாளமாக கருத்தபடுகிறது, சற்றே கவனித்தால் மற்ற நாகரீகங்களை விட தமிழர்களே வெண்மையை பெரிதும் மதித்தாக தெரிகிறது. மேலும் அது வளமையையும் செழிப்பையும் குறிப்பதாக இருக்கிறது.

Screenshot_2015-12-01-22-40-56.png

மணப்பெண் சாந்தி முகூர்த்த அறையினுள் நுழையும் போது அவள் மணமகனுக்கு அதிர்ஷ்டத்தையும் வளமையையும் அளிக்கிறாள், மறைமுகமாக ஒரு ஆணுக்கான கவுரவத்தை தருகிறாள்.

Continue reading முதல் இரவில் மணப்பெண் பால் கொண்டுபோவது எதற்கு?

Read more

இன்னும் நம்மில் பலர் மார்ஷ்மல்லோ(Marshmallow) பதிப்பையே உபயோப்படுத்த துவங்கவில்லை, ஆனால் கூகுளோ தனது அடுத்த பதிப்பிற்கான பெயரை நேற்று தேர்ந்தெடுத்துவிட்டது.

Android-Nougat-logo

பொதுவாக ஆண்ட்ராய்டு பதிப்பின் பெயர்களை கூகுள் நிறுவனமே தேர்ந்தெடுக்கும்.

ஆங்கில அகர வரிசையில் பெயரிடப்பட்டு வரும் இதன் பதிப்புகளில் புதிய வகையான N பதிப்பிற்கு மக்களிடமே கருத்துக்கணிப்பு நடந்தது.

Introducing #AndroidNougat. Thank you, world, for all your sweet name ideas! #AndroidNRevealpic.twitter.com/7lIfDBwyBE

— Android (@Android) June 30, 2016

Neyyappam.jpg

இந்தியாவில் பலரும் ஒருமனதாக நெய்யப்பத்திற்கு வாக்களித்தனர், இருப்பினும் Nougat இனிப்பு வகை இறுதியில் வாகை சூடியிருக்கிறது. எனவே மக்களால் பெயரிடப்பட்ட முதல் ஆண்ட்ராய்டு பதிப்பாக இது வலம் வரும்.

இதுவரை Android-N என அறியப்பட்டு வந்த பதிப்புக்கு அதிகாரப்பூர்வ பெயராக Android-Nougat வழங்கப்பட்டது. முதலாவதாக கடந்த மார்ச் மாதம் அறிவிக்கப்பட்ட இப்பதிப்பு தற்போது Beta நிலைக்கு வந்துள்ளது, அதாவது வெளியிடுவதற்கான முந்தைய நிலை.

மேம்பட்ட அறிவித்தல்(Notifications),ஒரே நேரத்தில் இரு வகையான திரைகளை பயன்படுத்தும் வசதி (Multi-Window Support), மார்ஷ்மல்லோவில் இருப்பது போல Doze Mode வசதி போன்ற புதுமைகளோடு கோடையில் வெளியாக ஆயத்தமாக உள்ளது NouGet.

கூகுள் இப்படியாக இனிப்பு பண்டங்களின் பெயரை தனது இயங்குதளத்திற்கு வைப்பதை தனி முத்திரையாகவே மாற்றிவிட்டது. ஆனால் கூகிள் மட்டுமே அப்படி இல்லை. விண்டோஸ் நகரங்கள், இடங்கள் போன்றவற்றையும்(Microsoft Metro), ஆப்பிள் புலி இனங்களின் பெயரையும் பயன்படுத்தும்(Cheetah, Jaguar, Panther, Lion, etc.), ஆனால் பிரபலம் இல்லை.

இனி முந்தைய ஆண்ட்ராய்டு பதிப்புகளை பற்றி சற்று பார்ப்போம். Continue reading தித்திக்கும் ஆண்ட்ராய்டு பதிப்புகள் – சுவாரஸ்ய தகவல்கள்

Read more

பழமொழிகள் நம் முன்னோர்கள் நமக்காக விட்டுச் சென்ற அனுபவ குறிப்புகள்.ஒவ்வொரு நாட்டிலும் பழமொழிகள் அதன் சமூக பண்பாட்டு பெருமையும் அறிவுத்திறனையும் எடுத்துக் காட்டுகிறது.பொதுவாக பேசும் போது எளிதாக விளங்க, உதாரணம் சொல்ல இவை பயன்படுகின்றன.

நம் செந்தமிழிலும் எத்துணையோ அற்புதமான பழமொழி உள்ளது, அதில் சிலவற்றை வட்டார வழக்கிற்கு மாறி மருவியது என்ற பெயரில் நம்மாளுங்க எப்படி வச்சு செஞ்சிருக்காங்கனு பாக்கலாம்.

அற்பனுக்கு வாழ்வு வந்தால் அர்த்த ராத்திரியில் கொடை புடிப்பான்.

அர்பணித்து வாழ்ந்து வந்தால் அர்த்த ராத்திரியிலும் கொடை கொடுப்பான்.

  • தன் வாழ்வை அர்பணித்து வாழ்ந்து வரும் மனிதன், யாசகன் கேட்பவன் அர்த்த ராத்திரியில வந்தாலும் கொடை கொடுப்பானாம், அவனையே அற்பனாகிடாங்க.

  • புது மொழி : அற்பனுக்கு வைபை கிடைத்தால் அர்த்த ராத்திரியிலும் அப்டேட் செய்வான்.(#Twitter)

அடி உதவுவது போல் அண்ணன் தம்பி உதவமாட்டான்.

  • அடி என்பது ஔவையாரின் நாலடி, அதன் தத்துவத்திற்கு இணையாக சகோதரன் கூட உதவ மாட்டான். அதுபோல் அடி என்பது இறைவனின் திருவடி எனவும் சொல்கிறார்கள், எல்லாம் போனதுக்கப்புறம் கடைசியில் இறைவன் தானே.

  • இன்னொரு பார்வை :

    இருப்பினும் ஏற்றுக்கொள்ளமாறு இருப்பது நில அடி தான். அண்ணன் தம்பி கை விட்டாலும் சொந்தமாக சில அடி நிலம் இருந்தால் அது உனக்கு உதவும்.அடிதடி இல்ல.

ஆயிரம் பேரை கொன்றவன் அரை வைத்தியன்.

ஆயிரம் வேரை (மூலிகை வேரை) கொன்றவன் அரை வைத்தியன்.Ayiram Death

  • சித்த வைத்திய முறைகளில் மூலிகைகளை தெரிந்து வைக்கிறது மிக அவசியம்.குறைத்தது ஆயிரம் மூலிகைகளின் தன்மை அறிந்தவனே அரை வைத்தியன். பின்ன ஆயிரம் பேர கொன்ன சும்மாவ விடுவாங்க.

களவும் கற்று மற.

களவும் கத்தும் மற.

  • ஊரில் பலர் தவறு செய்யும் போது சொல்வது அல்லது அவர் நண்பர் சொல்வது.ஆனால் கத்து என்பது தூய தமிழில் பொய் அல்லது கயமை என்பதாய் பொருள். திருடுறதையும் ஏமாற்றுவதையும் மறக்க சொல்லிருக்கு,கத்துகிட்டது அப்புறம் இல்ல.

நல்ல மாட்டுக்கு ஒரு சூடு.

நல்ல மாட்டுக்கு ஒரு சுவடு.

Read more

“எரியுந் தனல் தன்னை வாலிலேந்ததி வீதியில் கண்டதைகனலாக்கி லங்கத்தை கலங்க வைத்த வாயுபுத்திரன்.”
– சண்

அனுமன் சீதையை அசோகவனத்தில் கண்டு திரும்பும் போது இராவணனால் சிறைபிடிக்கப் படுகிறார். அனுமனின் செயலாலும் ராம புகழ்பாடும் பேச்சாலும் வானரத்தின் வாலில் தீ வையுங்கள் என ஆணையிடப்பட்டதும் அதனால் இலங்கையே தீக்கிரையானதும் நாம் அறிந்த இதிகாசமே.,

அனுமன் சீதையை சந்தித்தல்,அனுமன் வாலில் தீவைத்தல்

மகர்

வாலில் பற்றிய நெருப்பால் உடலில் ஏற்பட்ட வெட்க்கையை குறைக்க வரும் வழியில் ஒரு ஆற்றில் இறங்கி தம்மை குளிர்வித்தார் அனுமன்.

அப்போது அவர் உடல் சூட்டினால் வெளியேறிய உயிரணு அங்கு நீந்திக் கொண்டிருந்த மகர் என பெயருடைய மீன் போன்று உருவத்தில் இருந்த ஒர் ஊர்வனத்தின் உடலில் சென்றுவிட்டது, அதனால் அது கருவுற்றது. நடந்ததை அறியாமல் அனுமன் அங்கிருந்து புறப்பட்டு சென்று விட்டார்.

சில பதிப்புகளில் சற்று வித்தியாசமாக நதியில் கலந்த விந்தணு ஒரு கடல் கன்னியை சென்றடைகிறது.

அறிவியல் ரீதியில் சில மீன்களின் இனப்பெருக்க முறையில் பொதுவாக பெண்ணும் ஆணும் நீந்தி ஒரு பாதுகாப்பான இடத்திற்கு செல்லும். பின்னர் பெண் மீன் தனது முட்டைகளை நீரில் வெளியிடும், உடனே ஆண் மீன் அந்த முட்டைகளின் மேல் தன் விந்தணுவை வெளியிட்டு முட்டைகளை கருவுறச் செய்யும் (Ovuliparity)

பின்னொரு தினம் இராவணின் சகோதர்களான அகிராவணனும்(மயில் ராவணன்) மகிராவணனும் அவ்விடம் மீன் பிடிக்க சென்றனர். வலையில் சிக்கியதை யெல்லாம் கொண்டு சென்றனர், அதில் மகரும் இருந்தது.

உணவுக்காக மகர் உடலை வெட்டிய போது அதன் வயிற்றில் பாதி குரங்கு பாதி ஊர்வன வடிவில் ஒரு உயிரினம் இருந்தது. அதுவே வளர்ந்து பின்னர் பாதாள பாதுகாவலானாய் மாறியது.

சுவன்னமச்சா

ஆனால் வால்மீகியின் இராமாயணம் போலல்லாது தாய்லாந்து மற்றும் ஏனைய தென்கிழக்காசியா இராமாயணங்களில்  அனுமனின் கதை வேறு வகையில் சொல்லப்படுகிறது.

அக்கதையில் வானரபடைகள் இலங்கைக்கு பாலம் கட்டுவதை தடுப்பதற்காக இராவணன் தன் கடல் கன்னி மகளான சுவன்னமச்சாவை அவள் தோழிகளோடு அனுப்புகிறார். சுவன்ன(தங்க) மச்சா(மீன்).

Continue reading அனுமனின் காதல், திருமணம், மகன்.

Read more

இரத்தம் நம் உடல் செயலாக்கத்தின் ஆதாரம். உடலின் ஒவ்வொரு பாகத்தின் செயல்பாட்டிலும் இரத்தத்தின் பங்கு இன்றியமையாதது.எல்லோருக்கும் வாழ்வின் எதோவொரு சமயத்தில் இரத்தம் பெறவோ அல்லது தானம் வழங்கவோ நேரிடும்.

ஒவ்வொருவரும் தனது இரத்த வகையையும் தங்கள் உடன் சார்ந்தோரின் இரத்த வகையையும் அதன் தன்மையையும் அறிந்திருப்பது பல வகைகளில் நன்மையாக அமையும்.

Blood Groups :

இரத்தத்தில் மூன்று வகையான அணுக்கள் உள்ளன. இதில் எந்தவொரு அணுக்களின் அளவு அதிகரித்தாலும் குறைப்பட்டாலும் அதற்கேற்ப உடலில் தாக்கம் உண்டாகும்.

இரத்த வெள்ளையணுக்கள்(White Blood Cells) நோய் எதிர்ப்பிலும், சிவப்பணுக்கள்(Red Blood Cells) உடலின் எல்லா பாகத்துக்கும் இரத்தத்தை சுழற்சி செய்யும் பணியிலும், தட்டணுக்கள்(platelets) இரத்த உறைதலிலும் முக்கிய பங்காற்றுகின்றன.

இரத்தம் தேவைப்படுவோரில் பலருக்கு முழு ரத்தமும் தேவைப்படுவதில்லை. உதாரணத்துக்கு, ஹீமோகுளோபின் குறைவாக இருக்கும் நோயாளிகளுக்குச் சிவப்பணுக்கள் மட்டுமே தேவைப்படும்.

Blood Bank

சிவப்பணுக்கள் ஃப்ளாஸ்மாவுடன்(Plasma) இணையும் விதத்தை பொறுத்தே இரத்த வகை நிர்மாணிக்கப்படுகிறது.பொதுவாக A, B, AB and O ஆகியவையே நாம் அறிந்தவை.இதிலும்கூட ஏ பாசிட்டிவ், ஏ நெகட்டிவ், பி பாசிட்டிவ், பி நெகட்டிவ், ஓ பாசிட்டிவ், ஓ நெகட்டிவ், ஏபி பாசிட்டிவ், ஏபி நெகட்டிவ் ஆகிய உட்பிரிவுகள் உள்ளன.

ஆனால் பலரும் அறிந்திராத(அல்லது கவனம் பெறாத) அரிய இரத்த வகை ஒன்றுள்ளது. இதனை ஹெச்ஹெச்(hh)/ Oh/ பம்பாய் இரத்த வகை (Bombay Blood Group) என்றழைக்கின்றனர்.உலகில் 0.0004%( 40 லட்சத்தில் ஒருவர்) மனிதர்களுக்கு மட்டுமே உள்ளது.

Continue reading அறிய வேண்டிய அபூர்வ இரத்த வகை

Read more

உலகம் வெகுவாக நவீனமயமாகிக் கொண்டிருக்கும் இந்த கலியுகத்தில் நகரங்களோடு தொடர்பில்லாத இடங்களே புவியில் இல்லை எனதான் கூற வேண்டும். ஆனால் கிட்டதட்ட 60,000 ஆண்டுகள் பழமையான தீவின் பழங்குடியினர் வெளியுலக வாசிகளின் தொடர்பு சற்றுமல்லாமல் வாழ்கின்றனர், அதுவும் மனித இனம் தொடங்கியதிலிருந்தே!

வங்காள விரிகுடாவில் இருக்கும் அந்தமான் தீவுகளில் ஏறத்தாழ 28 கிலோமீட்டர் சுற்றளவில் உள்ளது ஓர் சிறிய தீவு. இயற்கைத் துறைமுகங்கள் எதுவும் இல்லாத இத்தீவின் பெரும்பாலான பகுதி காடுகளையே கொண்டுள்ளது.

north_sentinel_island

வடக்கு சென்டினல் தீவின் 2009 நாசாபுகைப்படம்; பவளப் பாறைகள் தெளிவாகத் தெரிகின்றன.

இத்தீவினை சுற்றிய 3 மைல் பகுதிக்குள் யாரெனும் உள் நுழைவது இந்திய அரசின் சட்டப்படி தண்டனைக்குறிய குற்றமாகும்.

இந்த காவல் வளையம் தீவில் உள்ளோர்களின் பாதுகாப்பிற்காக அல்ல. தீவைப் பற்றி தெரியாமல் அங்கு சென்று விடுபவர்களுக்காகத் தான்(!?).

        இது வடக்கு சென்டினல் தீவு. உலகின் கடைசி பழங்குடி நாகரிக மக்களான இவர்கள் வெளி இன மனிதர்களை அவர்கள் தீவில் காலடி எடுத்து வைக்க அனுமதித்ததில்லை. மீறி வந்தவர்களை ஈட்டி, வில் அம்புக்கு இரையாக்கி கடலில் வீசுகின்றனர்.

இந்த தீவு காவலாளிகள் பேச்சுவார்த்தை செய்வதில்லை, அயலார் நட்பை ஏற்பதில்லை, ஒப்பந்தங்களில் கையெழுத்திடுவதில்லை, உயிரை பணயம் வைத்து தங்கள் தீவை பேழை போல பாதுகாக்கின்றனர்.

 கூகிள் மேப், செயற்கைகோள்கள் ட்ரோன்கள் என தொழிற்நுட்ப யுகத்தில் வாழும் நம்மிடம் இருக்கும் சென்டினல் தீவு மக்களின் புகைப்படங்கள் கப்பலிலிருந்தோ விமானத்திலிருந்தோ எடுக்கப்பட்ட தெளிவற்ற காட்சிகள் தான். Continue reading மனிதன் செல்ல முடியாத – வடக்கு சென்டினல் தீவு

Read more

இடம்படுபு அறியா வலம்படு வேட்டத்து
வாள்வரி நடுங்கப் புகல் வந்து ஆளி
உயர் நுதல் யானைப் புகர் முகத்து ஒற்றி
வெண்கோடு புய்க்கும் ….
– நக்கண்ணையார், அகம். 252 : 1-4

அடித்து வீழ்த்தும் விலங்குகள் இடப்பக்கத்தே விழுவதை ஒருபோதும் அறியாத வெற்றியை உடைய வேட்டைக்குச் செல்லும் வாள் போன்ற
வரிகளையுடைய புலியானது நடுங்குமாறு, ஆளியானது பாய்ந்து வந்து உயர்ந்த நெற்றியினையுடைய யானையின் புள்ளி பொருந்திய முகத்தைத் தாக்கி, அதன் வெண்ணிறத் தந்தத்தினைப் பறித்தெடுக்கும்.

u

புராண மிருகமான யாளி தமிழக கோவில்களில் பரவலாக காணப்படுகிறது. இந்து கோவில் கோபுரங்கள் முதல், மண்டபத்தின் தூண்கள் வரை, ஆயிரக்கணக்கில் இந்த பிரமாண்ட புராண விலங்கின் உருவத்தை சிலைகளாக செதுக்கி வைத்திருக்கிறார்கள்.

ஆன்மீகம் :

ஒரு சுவரசியமான கதையோடு துவங்குவோம்.

யாளி என்ற மிருகமானது நவகிரகங்களின் ஒன்றான புதனின் வாகனம்.யாளியை போலவே புதனும் இரு பாலினத்தையும் சார்ந்திராதவர்.சில நேரங்களில் அவர் பெண்ணாகவும் பொதுவாக ஆணாகவும் சித்தரிக்கபடுகிறார்.

இதற்கான பிண்ணனி கதை கதாநாயகன் சந்திரனின் காதலில் தொடங்குகிறது.இரவின் நாயகனான நிலவன் தாரா என்ற பெண்ணோடு காதல் வயப்பட்டு அவளை தன்னுடன் அழைத்தும் வந்துவிட்டார்.ஆனால் தாராவோ தேவர்களின் குருவான பிரகாஸ்பதியின் மனைவி(!?).

Continue reading யாளி – கடவுள்களின் பாதுகாவலன்

Read more
Translate »